Эмэгтэйчүүдийн лиг үргэлжилж байна

Нийтлэгдсэн огноо: 2016-07-21 15:50:00

Монголын хөлбөмбөгийн холбооноос зохион байгуулж буй "Эмэгтэйчүүдийн лиг" энэ сарын 18-нд нээлтээ хийсэн билээ.

Анхдугаар лигийн аварга "ХАД" энэ жилийн лигийг нээж, "Хан-Уул дүүрэг"-ийн багтай тоглоход Э.Мөнхтуяа 30' 64 дэх минутад гоол оруулан, багтаа гурван оноо бэлэглэжээ. Эсрэг багаас Б.Оюунсүрэн 38 дахь минутад гоол оруулаад байсан ч тоглолт 2:1-ээр "ХАД" клубын ялалтаар өндөрлөсөн байна.

Түүний дараа "Монголын Тэмүүлэл", "Арвис" клубууд тоглосон. Тус хоёр баг "Эмэгтэйчүүдийн УАШТ"-ий хүрэл медалийн төлөө учраа таарахад "Монголын Тэмүүлэл" 1:0-ээр хожиж байсан. Харин лигийн хүрээнд оноолт таарахад тэрхүү чухал тоглолтод хожигдсон хариугаа "Арвис" клубын охид авч, 2:1-ээр хожлоо. Эхлээд "Монголын Тэмүүлэл"-ээс Г.Шинэцэцэг 12 дахь минутад гоол оруулсан ч "Арвис" клубээс А.Алтантуяа 35+1, Б.Мөнгөнчимэг 52' минутад гоол оруулсанаар гурван оноо авсан байна.

Лигийн гурав дахь тоглолт "Дэрэн" болон "Соёмбыг Барсууд" багуудын хооронд өрнөхөд найман гоол орсон. "Дэрэн" клубээс Ө.Ундрах 37, 39, 44, 43 Г.Солонго 11, 27 Т.Энхжин 19, Н.Номин 5 дахь минутад гоол оруулан, баг нь 8:0-ээр илүүрхлээ. Харин түүний дараа "Эрчим", "Туулын Том Тулнууд" клубууд тоглож, 0:0-ээр тэнцлээ.