Жасинда Ардерн Ерөнхий сайдын албан тушаалаасаа огцорч буйгаа мэдэгдлээ 2023 / 01 / 19
Шинэ Зеландын Ерөнхий сайд Жасинда Ардерн ирэх сард Ерөнхий сайдын албан тушаалаасаа огцорно гэдгээ мэдэгджээ. Тэрээр Шинэ Зеландын төрийн тэргүүнээр ажилласан 6 жил хүнд хэцүү байсныг онцолж, цаашид улс орноо удирдах "хүч чадал" түүнд үлдээгүй гэжээ.
Жасинда Ардерн Хөдөлмөрийн намын даргаасаа ирэх сарын 7-ноос өмнө буух ба түүний оронд томилогдох хүнийг ойрын өдрүүдэд санал хураалтаар сонгох аж.
Шинэ Зеландын парламентын сонгуулийн хувьд ирэх 10-р сарын 14-нд болох юм. 42 настай Ж. Ардерн зуны амралтын үеэр цаашид юу хийхээ шийднэ хэмээн мэдэгджээ.
2017 онд 37 насандаа Шинэ Зеландын Ерөнхий сайдаар томилогдсон тэрээр дэлхийн хамгийн залуу төрийн тэргүүнээр тодорч, жилийн дараа төрийн тэргүүнээр ажиллаж байхдаа хүүхэд төрүүлсэн хоёр дахь эмэгтэй болсон юм.
Жасинда Ардерн Шинэ Зеланд улсыг коронавирусын цар тахал, Крайстчёрч хотод болсон алан хядах үйл ажиллагаа гарах үеэр мөн Уайт Айлэнд арал дээрх галт уулын дэлбэрэлт болох үеэр тус тус удирдан чиглүүлж байсан билээ. Тэрээр, "Улс орноо энх тайван цагт удирдах нэг өөр, хямралын үеэр удирдах бүр ч өөр юм." хэмээн онцолсон байна.
Тэрээр Хөдөлмөрийн нам сонгуульд ялалт байгуулж чадахгүй байж магадгүй гэсэн шалтгаанаар бус харин ялалт байгуулна гэсэн шалтгаанаар албан тушаалаасаа огцорч байгаа ба түүний хэлснээр уг сорилыг давахад шинэ хүн хэрэгтэй аж.
Эх сурвалж: BBC
Содномцэрэнгийн Энхзаяа
ikhmongol.mn
холбоотой мэдээ
Сэтгэгдэл
