АНУ-ын Олимп болон Паралимпийн хороо Орос болон Беларусийн баг тамирчид улсынхаа төрийн далбааг мандуулахгүй гэсэн нөхцөлтэйгөөр 2024 онд Парис хотноо болох Зуны Олимпын наадамд оролцуулахыг дэмжиж буйгаа илэрхийлжээ.

Америкийн Олимпын хорооны дарга Сюзанна Лайонс, "Бүхий л амьдралынхаа туршид бэлтгэсэн тэмцээнд нь тамирчдыг оруулахыг АНУ дэмжиж байна. Гэхдээ бид тамирчид хоригт орсон улс орнуудын төрийн далбаан доор өрсөлдөхийг зөвшөөрч чадахгүй." гэжээ.

Түүний хэлснээр ОХУ, Беларусийн төрийн далбаанаас гадна тамирчид тухайн хоёр улсын төрийн дууллыг эгшиглүүлэхгүй байх, тухайн улсыг төлөөлөх өнгөнүүд орсон хувцас, өмсгөл өмсөөгүй байх ёстой аж.

АНУ-ын Олимпын хороо Украин улс болон Украин улсын баг тамирчдыг дэмжсэн хэвээр байгаа ч Орос, Беларусийн тамирчдыг тэмцээн уралдаанд оролцуулахгүй байх нь Олимпын наадмын зарчимд нийцэхгүй гэж үзэж байгаа гэжээ.

ОХУ Украин руу довтолсны дараа Олон Улсын Олимпын хороо ОХУ болон Беларусийн газар нутаг дээр зохион байгуулагдах байсан олон улсын бүр тэмцээн уралдаануудыг хойшлуулах эсвэл цуцлахыг шаардсан ба ОХУ, Беларусийн тамирчдыг олон улсын тэмцээн уралдаанд орохыг хориглосон юм. Уг санаачлагыг нь олон улсын спортын хороо, эвлэлүүдийн дийлэнх нь зөвшөөрсөн билээ.

Өнгөрсөн баасан гарагт болсон Олон Улсын Олимпын хорооны хуралдаанаар гишүүн орнуудын дийлэнх нь ОХУ, Беларусийн эсрэг хоригийг хэвээр үлдээхийг дэмжсэн ба үүнд хоёр улсын газар нутагт олон улсын тэмцээн уралдаан зохиох, хоёр улсын төрийн далбаа, бэлгэ тэмдэг зэргийг харуулсан хувцас хэрэглэлийг ашиглахыг хориглосон шийдвэрүүд багтсан юм.

Эх сурвалж: meduza.io

Содномцэрэнгийн Энхзаяа

ikhmongol.mn

холбоотой мэдээ

Өнөөдөр Майкл Жордан торгуулийн шугамын араас үсэрч дохсон өдөр

Питер Райт PDC дартсын дэлхийн аварга шалгаруулах тэмцээнд хоёр дахь удаагаа түрүүллээ

Дэлхийн хөл бөмбөгийн цомын тэмцээнтэй холбогдуулан Казань, Москва, Санкт-Петербург, Сочи хотуудад өндөржүүлсэн бэлэн байдал тогтоожээ

К.Роналду шоронд орохгүйн тулд татварт 14,8 сая евро төлнө

Сэтгэгдэл