Хүний биеийн эрүүл мэндэд их нөлөө үзүүлдэг 12 хоол хүнс

Нийтлэгдсэн огноо: 2019-06-03 11:32:00

Эрүүл хоол хүнс идэх явдал цаг өнгөрөх тусам тренд болж байна. Бид хүнсний дэлгүүрт ороод бүтээгдэхүүний гаднах сав, боодол болон орц, найрлагыг нь харж, ямар хоол хүнс бие организмд хэрэгтэй болон ямар нь хор хөнөөлтэй болохыг амар хялбар байдлаар олж мэддэг. Гэхдээ эрдэмтдийн хийсэн судалгаагаар чухам ямар хоол хүнс хүний биед хэрэгтэй болон ямар төрлийн хоол хүнс хичнээн химийн найрлага агуулж байгааг тодорхойлж, мэдэх боломжгүй гэдгийг олж тогтоожээ.

Бид өнөөдөр та бүхэндээ бие организмд эерэг болон сөрөг нөлөөтэй хоол хүнснүүдийн талаар хүргэхээр бэлтгэлээ.

Хальсалсан будаа найрлагандаа амархан уусдаг нүүрс ус агуулдаг ба энэ нь цусанд богино хугацаанд глюкозын молекуль болж хувирдаг. Таны сахарын хэмжээ огцом өөрчлөгдөх ба ингэснээр тархины эрүүл мэнд болон мэдрэлийн системд сөргөөр нөлөөлдөг.

Попкорн найрлагандаа уураг, фосфор, төмөр, силикон болон магни агуулдаг ба эдгээр нь мэдрэлийн системийг зөв горимоор ажиллахад тусалдаг. Мөн витамин B амин дэм попкорнд байдаг ба энэ нь депресс болон стресстэй тэмцэхэд тусалдаг байна.

Туна загасны найрлаганд их хэмжээний мөнгөн ус байдаг. Биед их хэмжээний мөнгөн ус байх нь ой санамжийг асуудалд оруулдаг. Мөн найрлагандаа полихлоржуулсан бифенил агуулдаг ба энэ синтетик химийн найрлага нь даавруудад нөлөөлж, мэдрэлийн системийг доголдуулдаг.

Өөх тосонд нэн ховор арахидоник хүчил агуулагддаг. Хүний биед чухал үүрэгтэй ба тархины үйл ажиллагааг хэвийн явагдахад тусалдаг байна. Мөн Альцгеймерийн өвчин тусахаас сэргийлнэ.

Улаан буудай найрлагандаа глютен агуулдаг ба өсөж, томрох хандлагатай байдаг. Глютенд агуулагдах эсрэг биет (бичил биетнийг нөхөн сэргээх, хорт бүтээгдэхүүнийг устгах уургийн нэгдлүүд) бидний биед хэрэгтэй химийн элементүүд рүү дайрдаг. Иймд хэрэв бид дээрх химийн элементүүдийн дутагдалд орох юм бол, депресс болон гэнэтийн цочролд орох эрсдэлтэй.

Хар шоколад найрлагандаа флаванойд агуулдаг ба энэ нь тархины эсүүдийг идэвхжүүлдэг. Энэ хүнс судсыг тэлэх, тархины үйл ажиллагааг эрчимжүүлэх болон хүчилтөрөгчөөр хангах ач тустай.

Хатуу бяслаг найрлагандаа тирамин агуулдаг ба энэ нь уургийг задалдаг. Тирамин цусны даралтыг нэмэгдүүлэх болон толгой өвдөхөд нөлөөлдөг хүчин зүйлсийн нэг юм.

Чанасан төмс нь калигаар баялаг тул тархинд хүчилтөрөгчийг илгээдэг. Мөн найрлагандаа глюкоз, витамин B болон амино хүчил агуулдаг учраас, тархины цусан хангамжийг сайжруулж, үйл ажиллагааг нь хэвийн явуулах үүднээс хэрэгтэй энергиэр хангадаг.

Вандуй найрлагандаа таннын хүчил агуулдаг. Хэрэв таны бие дэх таннын хүчил ихэдвэл, эрдэс бодисуудыг үгүй хийнэ, тэр тусмаа төмрийг багасгана. Ингэснээр тархины цусан хангамж доголдож, улмаар цус багадалт болно.

Куркумин нь каррид агуулагддаг хамгийн чухал орцуудын нэг ба их хэмжээний антиоксидант агуулдаг учир тархины хөгшрөлтөөс сэргийлнэ. Мөн үйл ажиллагааг нь хэвийн явагдахад тусалж, насжилтыг удаашруулна.

Гүргэм найрлагандаа их хэмжээний эрдэс бодис, витамин B болон C амин дэмүүд агуулдаг байна. Эдгээр нь тархины үйл ажиллагааг дэмжихээс гадна зарим нэг өвчлөлийг эмчилдэг.

Шанцай тархийг илүү идэвхтэй ажиллуулдаг яагаад гэвэл найрлагандаа маш чухал хэрэгцээтэй орцууд агуулдаг: синнамил болон синнамалдегид. Шанцайн үнэр анхаарал төвлөрүүлэх, сэтгэн бодох болон хурдан хариу үйлдэл үзүүлэх чадваруудыг бий болгоход сайн нөлөөтэй.

Та дээрх жагсаалтаас өөрийнхөө дуртай хоол хүнсийг олж харсан уу? Хор хөнөөлтэй байна уу эсвэл үр өгөөжтэй байна уу?