“Улаанбаатар марафон 2019” олон улсын гүйлт энэ сарын 18-нд болно 2019 / 05 / 07
Нийслэлийн спортын хороо, НЗДТГ хамтран зохион байгуулж байгаа Улаанбаатар марафон энэ сарын 18-ны өдөр болно. Энэ удаагийн Улаанбаатар марафон олон улсын гүйлтэд ажиллах шүүгчид номын дуу сонсож байна. Улаанбаатар марафон олон улсын гүйлт 6 дахь жилдээ зохион байгуулагдах гэж байна.
Энэ удаагийн марафон 5-р сарын 18-ны өдөр болно. Жил бүрийн 5-р сард болдог уламжлалтай Улаанбаатар марафоныг олон улсын гүйлт энэ удаад ихээхэн онцлогтой зохион байгуулахаар болжээ. Олон улсын мэргэжлийн стандартад нийцсэн зам талбайд болох учраас Олон улсын уралдаанд нэг шат ахин орж байгааг зохион байгуулагчид онцоллоо.
Улаанбаатар марафон олон улсын гүйлтийг 150 гаруй зэрэглэлтэй шүүгч шүүн ажиллана. Үүнээс гадна 500 орчим оюутан сайн дураар ажиллахаар болжээ.
Нийслэлийн спортын хороо, Монголын хэт холын марафон гүйлтийн холбоо хамтран улаанбаатар марафон олон улсын гүйлтэд ажиллах шүүгч нарт зориулан сургалтыг зохион байгуулж байна.
МҮИС-иас энэ жилийн Улаанбаатар марафон гүйлтэд сайн дурын 300 оюутныг ажиллуулахаар болсон байна. Мөн МУБИС-иас 150 орчим оюутан сайн дураар ажиллахаар болжээ.
Аливаа спортын томоохон тэмцээн уралдаанд сайн дурын ажилтнууд буюу хөтөч хүмүүс маш их үүрэг гүйцэтгэдэг билээ. Улаанбаатар марафон олон улсын гүйлтийг Нийслэлийн спортын хороо, НЗДТГ, Монголын хэт холын марафон гүйлтийн холбоо зэрэг байгууллагууд хамтран зохион байгуулахаар бэлтгэж ажлаа хангаж байна.
Автомашингүй нэгэн өдрийг спортоор хичээллэн гэр бүл, хамт олон, найз нөхдөөрөө Улаанбаатар марафон олон улсын гүйлтэд нэгдэхийг уриалж байна.
А.Алтанчимэг
холбоотой мэдээ
Сэтгэгдэл
