Таны өтгөн хатдаг уу? Хэрвээ тийм бол энэ асуудал ямар их зовиуртай байдгийг та мэдэх бизээ. Судалгаанаас үзэхэд Дэлхийн 5 хүн тутмын нэг нь  архаг өтгөн хаталттай байдаг байна. Мөн эмэгтэйчүүдэд эрэгтэйчүүдээс 3 дахин илүү тохиолддог. Харин хүн бүрийн бие биедээ хэлээд байдаггүй энэ зовиур, эмгэгийг эмчлэхгүй байх нь шамбарам, бүдүүн гэдэсний үрэвсэл, цаашилбал бүдүүн гэдэсний хорт хавдарт ч хүргэх аюултай юм.

48 цагаас дээш хугацаанд өтгөн гарахгүй байхыг өтгөн хаталт гэнэ.

Эрүүл хүнд өтгөн хэрхэн үүсч гадагшилдаг вэ?

• Нарийн гэдэснээс бүдүүн гэдэс рүү өдөрт 2 кг орчим боловсорсон хүнсний зүйл орж ирдэг бөгөөд бүдүүн гэдсэнд шимэгдсэний дараа 200-300 гр ялгадас үлддэг.

• Өтгөн гадагшлах хүртлээ бүдүүн гэдсэнд хуримтлагдаж байдаг.

• Гэдсэн дэх зүйл нарийн гэдсээр 4-5 цаг, бүдүүн гэдсээр 12-18 цагийн турш явдаг байна.

Өтгөн хаталт үүсэх шалтгаан:

• Гэдэсний гүрвэлзэх хөдөлгөөн буурах

• Шингэн бага хэрэглэх

• Хөдөлгөөн багатай байх

• Хоол хүнсэндээ ургамлын гаралтай бүтээгдэхүүн хэрэглэхгүй байх

• Уураг ихтэй мах зэрэг бүтээгдэхүүн хүнсэндээ их хэрэглэх

• Удаан хугацааны сэтгэл гутрал

• Зарим эмийн бэлдмэл

• Ходоод-гэдэсний замын эмгэг

• Мэдрэлийн өвчин

• Дотоод шүүрлийн булчирхайн эмгэг

Өтгөн хаталтын үед илрэх шинж:

• Амнаас эвгүй үнэртэх

• Толгой гэнэт өвдөх

• Арьс цонхийн, шар туяа татах, уян хатан чанараа алдах

• Хоолны дуршил буурах

• Гэдэсний доод хэсгээр хүндрэх

• Гэдэс дүүрэх

• Их хүчлэх боловч өтгөн гүйцэд гарахгүй байх

Өтгөн хаталтын улмаас дараах эмгэгүүд үүсдэг:

• Гэдэсний цүлхэнт эмгэг

• Шамбарам

• Шулуун гэдэсний үрэвсэл

• Бүдүүн гэдэсний хорт хавдар

Өтгөн хаталтын эмчилгээ:

• Ургамлын гаралтай бүтээгдэхүүн хүнсэндээ түлхүү хэрэглэх

• Пробиотик агуулсан хүнс, хүнсний нэмэлт бүтээгдэхүүн хэрэглэх

• Өдөрт 2 л-ээс доошгүй шингэн хэрэглэх

• Өдөрт 5-аас доошгүй удаа тогтмол хооллох

• Гэдэсний гүрвэлзэх хөдөлгөөнийг сулруулах эмийн бэлдмэл дур мэдэн хэрэглэж болохгүй.

• Дасгал хөдөлгөөн тогтмол хийх

Өтгөн хаталтыг эмчид үзүүлэлгүй өөрөө дур мэдэн эмчлэх нь өтгөн хаталтын бодит шалтгааныг оношлох, зөв эмчилгээ хийх явцыг саатуулдаг.

• Ходоод гэдэсний эсвэл шулуун гэдэсний эмчид үзүүлэх

• Тодосгогч бодистой рентген зураг авахуулах

• Бүдүүн гэдсээ дурандуулах

• Хэвлийн ЭХО-д харуулах

Өтгөн хаталтаас сэргийлэх аргууд:

• Өдөрт хамгийн багадаа 8 аяга ус уух

• Ислэг ихтэй бүтээгдэхүүний хэрэглээг нэмэгдүүлэх

• Пробиотик агуулсан хүнс, хүнсний нэмэлт бүтээгдэхүүн хэрэглэх /Тараг, бяслаг, мисо шөл, даршилсан байцаа, даршилсан өргөст хэмх, хар талх зэрэгхүнсний бүтээгдэхүүн Пробиотик агуулдаг/

• Дасгал хөдөлгөөн тогтмол хийж байх

• Өдрийн тогтмол цагт ОО-д сууж гэдсээ цэвэрлэж байх

• Өтгөнөө цаг тухайд нь гадагшлуулж байх

• Өтгөн гадагшлахад тохиромжтой байрлал олж суух. Ингэхдээ хөлнийхөө доор ивээс тавих маягаар 00-ийн суултуур дээр өвдгөө гуянаас дээш түвшинд сууна. Урагш бага зэрэг тонгойж, тохойгоороо өвдгөө тулна. Нуруугаа цэх байлган гэдсээ урагш түрж өгнө. 

• Зөв сууж бие засах нь өтгөн хаталт болон шамбарамаас сэргийлнэ.

​

холбоотой мэдээ

Хүүхдийн хамар битүүрэхэд ямар арга хэмжээ авах вэ?

Бие организм өөрөө өөрийгөө эрүүлжүүлж, анагаах чадвартай

Хавдартай хүмүүсийн 61 хувь нь 5 жилийн дотор нас барж байгаа нь хожуу шатандаа оношлогдож байгаатай холбоотой юм

Цусан дахь холестерины хэмжээ хэт ихсэх нь цусны урсгалд саад учруулдаг

Сэтгэгдэл