“Фэн-фу” цэг дагзны доод хэсэгт, шилэн хүзүүн дээр оршино.

Доош харан хэвтээд яг энэ цэг дээр мөсөн жинг 20 орчим минут тавина. Гэхдээ 2-3 хоногт нэг удаа, өглөө, орой ээлжлэн тавина. Өглөөгүүр тавихдаа өлөн байвал сайн гэнэ.

Хэвтэх дургүй байвал мөсөө тогтоохын тулд алчуур ороосон ч болно.

Мөсөн жин дараах ач холбогдолтой:

Нойронд эерэгээр нөлөөлнө.

“Фэн-фу” цэгт мөсөн жин тавьснаар бөх сайхан унтаж амрахаас гадна унтах цаг уртасдаг байна.

Ихэнх эмэгтэйчүүдэд сарын тэмдгийн өмнөх синдром гэх зовиур бий болдог. Энэ үед туслах олон төрлийн эм бэлдмэл байдаг ч, эм уулгүйгээр мөс хэрэглэх нь өвчин намдаах шилдэг арга юм.

Бамбай булчирхайд тустай.

Бамбай булчирай үрэвссэн үед заавал эмчийн зөвлөгөө шаардлагатай. Харин эмчид очих боломжгүй байгаа үед мөс хэрэглэж өвчин шаналгааг багасгаж болно.

Хоол шингэхэд тустай.

Ходоод өвдөх, гэдэс дүүрч цанхайх, хоол шингээх тал дээр асуудалтай бол “фэн-фу” цэгт мөсөн жин тавих нь их ач холбогдолтой гэж Хятадын уламжлалт анагаах ухаан зөвлөж байна.

Ханиад томуугаас сэргийлнэ.

Хүйтэн сэрүүний улирал эхлэхэд ханиад хүрэх эрсдэл ихэсдэг. Та хүзүүн дээрээ мөс тавих аргыг тогтмол хэрэглэснээр ханиад хүрэх тань эрс багасна.

Толгойн өвчнийг анагаана.

Энэ бол хүн болгонд тохиолддог зовиур. Толгой чинь өвдвөл “фэн-фу” цэг дээрээ мөсөн жин тавиарай. Туршиж үзсэн хүмүүс энэ аргын үр дүнтэйг шагшин магтдаг гэнэ.

Үе мөчний үрэвслийн үед тус болно.

Үрэвссэн үений хурц өвдөлтийг мөсөн жингээр дарж болох ба гипертони, гипотонийн (цусны даралт ихсэх ба багасах) үед ч энэ аргыг хэрэглэдэг.

Багтраа өвчтөнд тусална.

Энэ бол маш хүнд өвчин тул эмчийн тусламжийг зайлшгүй авах хэрэгтэй. Харин өвчний зовуурийг намдаах зорилгоор өвчтөн мөсөн жин тавибал үр дүнтэй гэнэ.

Целлюлитийг багасгана.

Целлюлитээсээ салахыг хүсдэггүй нэг ч эмэгтэй энэ дэлхий дээр байхгүй биз. “Фэн-фу”цэгийг байнга идэвхжүүлснээр та целлюлитийг эрс багасгаж болох аж.

Стресс, ядаргааг тайлж, сэтгэл санааг өргөнө.

Шилэн хүзүүн дээрээ мөсөн жин тавьснаар бие махбодь сэргэж эрч хүчтэй болох нь мэдрэгдэнэ. Энэ нь сэтгэл санааны байдалд ч эерэгээр нөлөөлж, тайвшруулдаг байна. Та гэрээсээ гаралгүй, ямар ч асуудалгүйгээр эрүүл мэнддээ анхаарал тавьж энэ аргыг туршаад үзээрэй.