К.Роналду шоронд орохгүйн тулд татварт 14,8 сая евро төлнө

Нийтлэгдсэн огноо: 2017-06-21 18:50:00

МОСКВА./TASS/. Испанийн хөлбөмбөгийн “Реал” клубын довтлогч, Португалын шигшээ багийн ахлагч Криштиану Роналду татвар төлөхөөс зайлсхийсэн хэргээр ял сонсохгүйн тулд Испанийн татварын байгуулагад 14,8 сая евро төлөхөөр шийдсэн тухай “Cope” радио мэдээллээ.

Үүнээс өмнө К.Роналду орлогоо нуухын тулд 2010 онд Испанид үүсгэн байгуулсан байгууллагаа зориуд ашигласан гэж Испанийн прокурорын газар мэдэгдэж байсан юм. Испанийн Сангийн яам хөлбөмбөгчнийг татварын алба буруутгаж байгааг дэмжсэн ба Роналду ойролцоогоор 15 сая доллар луйвардсан гэж үзжээ.

Тэрбээр 2011-2013 он болон 2014 оны эхний хагас жилд татвар төлөхөөс зайлсхийх зөрчил гаргаснаар 5 жилийн хорих ялаар шийтгүүлж магадгүй байсан юм. К.Роналду луйвар хийсэн хэргийнхээ талаар Мадридын шүүхэд 7 дугаар сарын 31-нд мэдүүлэг өгөх ажээ.

Өрөө барагдуулж, ялаа хөнгөвчлөх боломжийг олгохын тулд өдгөө 32 настай довтлогчид 60 хоногийн хугацаа өгсөн байна. Хэрвээ заасан хугацаанд К.Роналду төлбөрөө хийхгүй бол түүнд Испанийн хуулийн дагуу хатуу арга хэмжээ авахаас өөр аргагүй болох юм. Мөн хохирлоо төлж барагдуулж, өөрийн буруугаа хүлээхийг К.Роналдуд зөвлөсөн ба төлбөрөө барагдуулсан тохиолдолд ч гэсэн түүнд 24 сарын хорих ял оноохоор байгаа юм. Гэхдээ уг ял хүчин төгөлдөр болохгүй аж. Дээрх төлбөрийг хэзээ хийх талаар тодорхой мэдээлэл алга байна.

О.Барс

Эх сурвалж: Монцамэ агентлаг