Өсвөрийн шатарчид багаараа дэлхийн аварга боллоо 2017 / 05 / 01
Румын улсын Яйши хотноо шатрын өсвөрийн дэлхийн аварга шалгаруулах тэмцээн болж, манай тамирчид багаараа дэлхийн аваргын алтан цом хүртлээ. Уг тэмцээнд нийт 42 орны 500 гаруй өсвөрийн шатарчин 12 ангилалд 36 цогц медалийн төлөө есөн өрөг тоглосон бол манай шатарчид гурван алт, гурван мөнгө, нэг хүрэл медаль хүртэж багаараа дэлхийн аварга боллоо.
Тэмцээний долоон нас хүртэлх ангиллын эмэгтэй төрөлд Д.Цэлмүүн, 9 нас хүртэлх нээлттэй төрөлд Э.Азжаргал, 11 нас хүртэлх эмэгтэй төрөлд Д.Мөнхзул нар тус тус алтан медаль хүртэж эх орныхоо төрийн далбааг гурвантаа мандууллаа. Мөн 7 нас хүртэлх эмэгтэй тэмцээнд Б.Марал мөнгө, 13 нас хүртэлх нээлттэй төрөлд Д.Батсүрэн мөнгө, 15 хүртэлх насны эмэгтэй төрөлд О.Өлзийхишигжаргал мөнгө, 13 хүртэлх насны эмэгтэй төрөлд Б.Алтантуяа хүрэл медаль тус тус хүртжээ.
Э.Гүнтөмөр
холбоотой мэдээ
Сэтгэгдэл
