Пак Гын Хэг Самсунг электрониксоос хахууль авсан гэв 2017 / 03 / 07
Солонгосын төрийн хамгийн дээд суудал хүртэл авлигын асуудалд автагдсан хэмээн олон улсын хэвлэлүүд онцлон бичиж байна. Учир нь Ерөнхийлөгч Пак Гын Хэ Самсунг электрониксийн авилгын мөнгөнд гар дүрсэн гэдэг мэдээлэл цацагдаад байна.
Солонгосын томоохон компаниуд болон төрийн албан тушаалтнуудыг хамарсан авилгын хэргийг бие даасан прокурорын баг мөрдөж байгаа юм. Үүний үр дүнд нь Солонгосын төрийн дээд албан тушаалтнууд хувийн ашиг сонирхолдоо автаж, албан тушаалаа урвуулан ашиглаж, томоохон аж ахуй нэгжүүдээс авлига авдаг байсан явдал нь нийгэмд газар аваад байгааг судалгаагаар тогтоосныг энэ сарын 6-нд танилцуулжээ. Энэ авилгын сүлжээний гол төвд нь ерөнхийлөгч Пакийн багын найз гэгдэх Чой Сүн Сил байсныг мөн мөрдлөгийн багийнхан онцлон тэмдэглэжээ. Түүнийг төрийн дээд албан тушаал болон танил талын нөлөөгөө ашиглан 70 сая долларын хууль бус сан босгосон, төрийн хэрэгт хөндлөнгөөс оролцсон зэрэг хэрэгт буруутган хориод байгаа юм.
Сэтгүүлч С.Чулуунцэцэг
холбоотой мэдээ
Сэтгэгдэл
