Б.Ууганхүү Паралимпоос хүрэл медаль хүртлээ 2016 / 09 / 09
“Рио-2016” паралимийн жүдо бөхийн эрэгтэйчүүдийн 60 кг-д Болормаагийн Ууганхүү хүрэл медаль хүртлээ. Тэрээр хэсгийн аваргын төлөөх барилдаанд Японы бөхөд ялагдсан ч хүрэл медалийн төлөөх барлдаанд паралимпийн алт, хүрэл медальт, дэлхийн хошой аварга, Азербайжаны Р.Ибрахимовыг цэвэр ялсан юм. Ийнхүү жүдо бөхийн төрлөөр паралимпоос медаль авсан Монголын анхны жүдоч боллоо.
Тэрээр “Маш их баяртай байна. Уг нь түрүүлэх зорилготой байсан ч бага зэрэг тактикийн алдаа гаргачихлаа. Хэдийгээр аваргалж чадаагүй ч олимп, дэлхийн аваргыг ялж, хүрэл медаль авсандаа баяртай байна. Цаашид бүр их хичээж, амжилтаа батлах, ахиулахын төлөө хичээх болно оо. Намайг өдий хүртэл дэмжсээр ирсэн БТСХТ, САУА, гэр бүл, баг хамт олондоо маш их баярлалаа. Тамирчиддаа бүр их амжилт хүсье. Сэтгэл онгойгоод сайхан байна. Өнөөдрөөс багийнхыгаа дэмжээд, захыг нь мушгиад л сууна даа” хэмээн баярын сэтгэгдлээсээ хуваалцлаа.
холбоотой мэдээ
Сэтгэгдэл
