Манай хоёр сэтгүүлчийг олимпийн галт бамбараар шагнажээ

Нийтлэгдсэн огноо: 2016-08-09 11:09:00

Олон улсын спортын сэтгүүлчдийн холбоо (AIPS)-ноос олимпийн их наадмыг 10 ба түүнээс олон жил сурвалжилсан спортын сэтгүүлчдэд тусгай шагнал гардуулдаг уламжлалтай билээ. Риогийн олимпийн наадмаар манай хоёр сэтгүүлчийг шагнасан байна.

Тодруулбал, Монголын спортын төв хэвлэл "Таван цагариг" сониныг үүсгэн байгуулагч, МҮОХ-ны ерөнхий нарийн бичгийн дарга Жүгдэрийн Отгонцагаан хоёр дахь удаагаа энэ шагналыг хүртжээ. Тэрбээр өвөл зуны олимпийн 13 наадмыг сурвалжилсан юм. Мөн Монголын спортын сэтгүүлчдийн холбооны Ерөнхийлөгч Ч.Отгонбаатарыг өвөл, зуны 10 олимпийг сурвалжилсанд нь баяр хүргэж, олимпийн галт бамбараар шагнажээ.

www.ikhmongol.mn