Г.Отгонцэцэгийг Казахстан улс 75 мянган доллар, нэг өрөө байраар урамшуулахаар болжээ 2016 / 08 / 08
Галбадрахын Отгонцэцэг хэмээх 23 настай Монгол жүдоч бүсгүй “Рио-2016” олимпоос хүрэл медаль хүртэж, Казахстан улсын төрийн далбааг Риогийн тэнгэрт мандуулсан нь өдгөө спортын ертөнцөд томоохон дуулиан үүсгэж, зөвхөн монголчууд төдийгүй казахстанчуудыг баярлуулж байгаа билээ. Тэрбээр өнгөрсөн оноос иргэншлээ сольж, Казахстаны нэр дээр барилдах болсон юм.
Риогийн олимпийн эмэгтэйчүүдийн 48 кг-д хүрэл медаль хүртсэн монгол жүдоч Г.Отгонцэцэгийг Казахстан улс 75 мянган доллараар шагнаж, нэг өрөө байраар урамшуулахаар болжээ. Казахстанчууд Төв Азийн бүс нутагтаа хамгийн өндөр бай шагналыг олимпийн медальтнууддаа өгч буй юм.
Тус улс олимпийн аваргадаа 250 мянган доллар, гурван өрөө байр, мөнгөн медалийг 150 мянган доллар, хоёр өрөө байр, хүрлийг 75 мянган ногоон, нэг өрөө байраар мялааж байна гэнэ.
Монгол Улсын түүхэнд өөр орны нэр дээрээс олимпод оролцон, медаль авсан хоёр дахь тамирчин болсон Г.Отгонцэцэгт баяр хүргэе.
холбоотой мэдээ
Сэтгэгдэл
