Америкийн эрх баригчдын үзэж байгаагаар хятадууд Кубад тагнуулын баазаа байгуулснаар Америкийн цэргийн хэд хэдэн бааз байрлах баруун өмнөд эрэг орчмоос цахилгаан холбоо тэр дундаа цахим шуудан, утасны дуудлага, хиймэл дагуулын холбоо зэргийг тагнахаас гадна Америкийн байлдааны хөлөг онгоцнуудын хөдөлгөөнийг хянах боломжтой болох аж. Эх сурвалжуудын мэдээлснээр Куба өөрийн нутаг дэвсгэртээ Хятадын тагнуулын бааз бариулсныхаа хариуд Бээжингээс олон тэрбум ам.долларын төлбөр авахаар зөвшилцсөн байна.

Өнгөрсөн онд Д. Трампын Флорида дахь гэрт хийсэн нэгжлэгийн үеэр хууль сахиулагчид 11 мянган материал хурааж авснаас 100 орчим нь нууц зэрэглэлтэй байсан тухай Америкийн хэвлэл мэдээллийн хэрэгслүүд мэдээлж байсан билээ. Түүнээс гадна прокурорт Д. Трампын Цагаан ордноос явахдаа нууц зэрэглэлтэй зарим баримт материалууд авсанаа хүлээн зөвшөөрч буй аудио бичлэг байгаа гэсэн мэдээлэл ч гараад байна.

Канад улсад гарсан ой хээрийн түймрийн утааны улмаас Хойд Америкийн сая сая иргэдэд гадуур явахдаа N95 шүүлтүүртэй амны хаалт зүүхийг зөвлөж байна. Агаарын чанар муудсантай холбоотойгоор Нью Йорк хот энэ пүрэв г

УЦС-ын далан нурсны улмаас Херсон мужид 5000 орчим байшин барилга усан доор ороод байгаа юм. Дроноор хийсэн бичлэгээс Каховка УЦС-ын ойр орчмын бүс нутгууд их хэмжээний үерт автсан болохыг харж болох юм. Зам талбай, байшин барилгууд бүхэлдээ усан доор орсон байна. Днепр мөрөн дагуу байрлах Каховка УЦС-ыг оросууд хяналтандаа авсан байсан ба УЦС-ын далан энэ сарын 6-нд нурсан юм. Киев, Москва далан нурсан явдалд бие биенийгээ буруутгаж байгаа ч уг ослоос болж энгийн иргэд хамгийн их хохирол амсаж байна.

Уг төсөлд ашиглагдаж буй өрөм нь 2000 гаруй тонн жинтэй бөгөөд цельсийн 200 хүртэлх хэм, агаарын даралтнаас 1300 дахин өндөр даралтыг тэсэхээр бүтээгджээ. Нөгөө талаас газрын доорх хүнд хэцүү нөхцлөөс гадна гадаргуу дээр Хятадын хамгийн халуун, хамгийн хуурай цөл болох Тарим голын сав газрын цаг уурын нөхцөл байдал ч томоохон сорил болно гэдгийг мэргэжилтнүүд онцолж байна. Тухайн төсөл нь Хятадын сансар болон газрын гүний судалгаа шинжилгээг өргөжүүлэх бодлогын нэг хэсэг бөгөөд 2021 онд Хятадын Ерөнхийлөгч Си Жиньпин улсынхаа нэр нөлөө бүхий эрдэмтдэд шинжлэх ухааны бүхий л салбаруудад тэр дундаа Дэлхийн гүний судалгаанд шинэ шинэ нээлтүүд хийхийг уриалсан билээ.

ОХУ-ын Батлан хамгаалахын сайд Сергей Шойгу Украины зэвсэгт хүчин сөрөг довтолгоо нь бүтэлгүйтсэнтэй холбоотойгоор оросуудын хяналтанд байгаа Каховка УЦС-ыг санаатайгаар нураасан хэмээн мэдэгдсэн бол Украины Ерөнхийлөгч В. Зеленский далан нурсан явдалд оросууд буруутай хэмээн ОХУ-ын эсрэг Олон Улсын Эрүүгийн шүүхэд гомдол гаргана гэдгээ мэдэгджээ. Каховка УЦС-ын усан сан нь бүс нутгийн фермерүүд болон оршин суугчдыг төдийгүй Запорожье АЦС-ын усаар хангадаг чухал объект юм. Түүнчлэн Крымийн хойгийг усаар хангах гол суваг уг далангаас эх авдаг байна.

Ирэх 2-р сард АНУ-ын муж тус бүрт сонгуулийн эхний шат эхлэх бөгөөд хамгийн олон санал авсан нэр дэвшигч Бүгд Найрамдах намаас 2024 оны АНУ-ын Ерөнхийлөгчийн сонгуульд нэр дэвшиж, Ардчилсан намаас нэр дэвшигч Жо Байдентай өрсөлдөх юм.

Украинчуудад оросуудад эзлэгдсэн газар нутгаа тэр дундаа Крымийн хойгийг эргүүлэн авахын тулд багагүй хугацаа шаардагдана гэж мэргэжилтнүүд үзэж байна. Нөгөө талаас Украины засгийн газар ард иргэддээ төдийгүй барууны түнш орнууддаа Оросын армийг бут цохиж, дайны мухардалд цэг тавьж, газар нутгаа эргүүлэн авах чадвартай гэдгээ батлах шаардлагатай болж байгаа юм.

Оросын сөрөг хүчний тэргүүн Алексей Навальныйн төрсөн өдрөөр буюу энэ сарын 4-нд дэлхийн 120 хотод, тэр дундаа Оросын нийслэл Москва, Санкт Петербург зэрэг хотуудын гудамж талбайд иргэд А. Навальныйг дэмжиж буйгаа илэрхийлэх аянд оролцоцгоосон байна.

1989 онд Хятадын цэргүүд Тяньаньмэний талбайд суулт хийж байсан ардчиллыг дэмжигч оюутан залуусыг хөнөөсөн билээ. Уг хэрэг явдлын улмаас амиа алдсан иргэдийн дурсгалыг хүндэтгэх хамгийн том ёслол Хонгконгийн Виктория Парк цэцэрлэгт хүрээлэлд жил бүрийн 6-р сарын 4-нд зохион байгуулагддаг байсан ч Хонгконгд Хятадын эрх баригчдын санаачилсан Үндэсний аюулгүй байдлыг хууль хэрэгжиж эхэлснээс хойш тус цуглааны цар хүрээ хумигдсан юм. Өнгөрсөн ням гарагт Виктория Парк цэцэрлэгт хүрээлэн орчим олон зуун цагдаагийн албан хаагчид эргүүлд гарч, хуягт машин техникийг байршуулсан байна.

Энэтхэгийн Төмөр замын сайд Ашвини Вайшнавын мэдэгдсэнээр өнгөрсөн онд л гэхэд 5200 км зам шинээр тавьсан ба жил бүр 8000 км замыг шинэчилдэг аж. Сүүлийн жилүүдэд галт тэрэгний ослын тоо буурсан ба 2014-2015 онд нийт 139 осол гарсан бол 2019-2020 онд гарсан ослын тоо 55 болж буурсан үзүүлэлттэй байна. Гэсэн ч галт тэрэг замаас гарах нь ослуудын гол шалтгаан хэвээр байсаар байна.

Украины Ерөнхийлөгч Володимир Зеленский оросуудын Украины Днепр хотод өнгөрсөн бямба гарагт үзүүлсэн цохилтын улмаас орон сууц нурж, нурангин доор хүмүүс гацаад буй тухай мэдэгджээ. Тэрээр, "ОХУ террорист улс гэдгээ ахин баталлаа. Манай улс, манай ард иргэдийн эсрэг хийсэн зүйлсийнхээ хариуцлагыг оросууд үүрэх болно." хэмээн бичжээ.

Вашингтон 1979 онд Тайваниас харилцаагаа тасалж, Бээжинтэй дипломат харилцаа тогтоосон ч Тайванийн зэр зэвсгийн гол нийлүүлэгч, худалдааны хоёр дахь том түнш хэвээр байсаар байна. Тайванийг Хятадын нэг хэсэг хэмээн үздэг Бээжингийн хувьд Тайванийг өөр улс орнуудтай ямар нэг байдлаар харилцахыг тэвчдэггүй билээ.

Украины хилээс 19 км зайд Европын холбооны төрийн дээд албан тушаалтнуудын оролцсон тус чуулга уулзалтын хаалтын арга хэмжээний үеэр хэлсэн үгэндээ Ерөнхийлөгч В. Зеленский пуужин устгах Патриот систем болон F-16 сөнөөгч онгоцнуудын тусламжтай агаарын бүсээ хамгаалж, ОХУ-ын агаарын хүчний давамгай байдлыг үгүй хийх тухай дурджээ. Тэрээр, "Патриот оросын ямар ч төрлийн пуужинг устгах чадалтай гэдгээ баталж чадсан. Бид өөрийн газар нутгаас эхлэн Европ тивийг бүхэлд нь хамгаалах агаарын бамбайтай болох зорилт тавиад байна." гэжээ.

Хуэй үндэстнүүд нь Хятадын хамгийн том үндэстний цөнхүүдийн нэг бөгөөд уйгурчуудтай харьцуулахад Хуэй үндэстнүүд нь мандарин хэлээр ярьдаг, хүн амын дийлэнх болох Хан үндэстнүүдтэй адил төсөө ихтэй аж. 2015 онд Хятадын Ерөнхийлөгч Си Жиньпин шашинд итгэгчдийн тоо өсөн нэмэгдэж буй асуудалд болгоомжтой хандах ёстой хэмээн мэдэгдэж байсан билээ.

Хойд Солонгос улс хиймэл дагуул нисгэхээр төлөвлөж байгаа тухайгаа зарласныхаа дараахан пуужин хөөргөсөн талаар Япон болон БНСУ-ын талаас мэдээлж байна.

Японы Ерөнхий сайд Фүмио Кишида том хүү Шотарогоо Ерөнхий сайдын ордонд хувийн үдэшлэг зохиосон явдалтай холбогдуулан Японы Ерөнхий сайдын улс төрийн асуудал хариуцсан нарийн бичгийн даргын албан тушаалаас нь огцруулжээ.

Косовогийн хойд бүс нутагт сербийн жагсагчид болон НАТО-гийн удирдлага доор 1999 оноос хойш бүс нутгийн аюулгүй байдлыг хангаж ирсэн энхийн сахиулах хүчний цэргүүд хооронд мөргөлдөөн үүсжээ.

Энэтхэгт хиндү шүтлэгтэн 80% бол муслим болон бусад шашин багахан хувийг эзлэж байна.

Нээлтийн ёслол Энэтхэгийн уламжлал, соёл заншлын дагуу явагдсан ба уг парламентын шинэ ордон нь Ерөнхй сайд Нарендра Модигийн засгийн газраас санаачилсан Британийн колончлолын үеийн хэв маягийг халж, Энэтхэг үндэстний мөн чанарыг илтгэсэн орчин үеийн барилга байгууламжуудыг барих 2.4 тэрбум ам.долларын төслийн дагуу баригдсан аж.